يابو ضحكه جنان

موضوع: يابو ضحكه جنان السبت ديسمبر 12, 2009 2:48 am

يابو ضحكة جنان
[ندعوك للتسجيل في المنتدى أو التعريف بنفسك لمعاينة هذه الصورة]

- مرة اتنين مجانين واحد فيهم رسم اسد على قلبه.. التانى قاله انت مش خايف لياكلك قاله لا انا رسمته من غير سنان.

- عجوزة شافت اسد خافت.. قالها ماتخافيش انا مش بأكل نواشف.

- واحد غبي فتح محل أنابيب فجر 2 انبوبة دعاية للمحل.

- مرة غبي خبطته عربيه وخلاص هيموت فالناس اتلموا عليه فمسكه واحد جامد اوى وقاله انطق الشهاده انطق الشهادة قاله دبلوم زراعة.

- مرة اتنين بيستعبطوا اتجوزوا وخلفوا ولد عمل نفسه ميت.

- مرة واحد رايح مصر بالحمار فلقى الناس بتضع بنزين للسيارة فسأل واحد قاله أنت بتضع إيه للسيارة قال له بنزين قال له ليه قال له عشان السيارة تمشى بسرعة أم حط الخرطوم فى بق الحمار فجرى جرى وراه بعد كده تاه الحمار راح بات فى فندق فوجد السرير حلو ورجليه فيه طين فنام تحت السرير جاه الموظف الصبح مشفهوش فقال باين مشى فجاء عريس وعروسة فى الاوضة فالعروسة قالت للعريس انت شايف ايه فى عيني ياحبيبى قال لها أنا شايف فى عنيك الدنيا كلها راح الراجل طلع من تحت السرير وقال والنبى شفيلى الحمار بتاعى.

- مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى نهده لو لاقيناه واطى يبقى ننط من فوقيه.. التانى قاله ماشى.. راحوا مالاقوش صور خالص قالوا يخساره المهمه فشلت.

- مرة واحد غبى ماشى فى الشارع قابل قرد فمشي بيه.. قابل عسكرى مرور.. سأله أودي القرد ده فين.. العسكرى قال له.. وديه جنينة الحيوان.. تانى يوم عدى الرجل بالقرد العسكرى قال له.. مش قلتلك وديه جنينة الحيوان قال له.. ما أنا وديته امبارح النهاردة بقى هاوديه السينما.

- واحد غبى جدا حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمة.. ففكوه ونزلوه بسرعة.... فبص لهم وقال: ياجزم كنت هتخنق.

- أغبيه راحو يلعبو بلياردو.. واحد منهم وقف فوق الطرابيزة وقال لهم انا الجوووون.

- مره واحد بيسوق عربية شاف يافطة مكتوب عليها ( خفف 100 ك) راح مخفف 100 ك.. قابل يافطة تانية مكتوب عليها (خفف 50 ك) راح مخفف50 ك .. قابل يافطة مكتوب عليها "اهلا بكم في مدينه خفف".

- في واحد حرامى والتانى ندل.. فالندل بيقول للحرامى علمنى السرقة.. فسرق محفظة واحد.. وقال له.. أهو علمنى انت بأة الندالة.. راح مسكوا وقال حرامى.

- كان مرة واحد كل يوم يحلم بماتشات عصافير فراح للدكتور.. وقال له على اللى بيحصله والدكتور قاله خد الدواء ده النهاردة رد عليه.. وقال له استنى عشان النهاردة الماتش النهائى.

- واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو.. شوية والباب خبط.. مين.. افتح بوليس.. راح مقطع الخمسين جنيه بتاعة البانجو.

- مرة واحد مجنون كان بيكتب جواب فدخل الدكتور عليه قاله بتعمل ايه.. قاله بكتب جواب لنفسي فقاله الدكتور.. بتكتب فيه ايه فرد عليه المجنون وقال.. يامجنون هو لسة جالي عشان اعرف.

- مرة واحد أحول عنده حمامة حولة حب يدخلها القفص.. حطها برة القفص.. وجت تهرب راحت داخلة جوة القفص.

ههههههههههههههههه
هههههههههههههه
ههههههههههه
ههههههههه
ههههههه
ههههه
ههه

هههههههههههههههههههههه
يسلمووووووووووووووووووو يا أبوضحكـــــــــة جنان

ميرسى على مرورك يا سنيوريتا يارب يكون التوبيك عجبك

ههههههههههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههه
ههههههههههههههههههه
ههههههههههه
ههه
هه
ه
دا انا ميت على نفسى من الضحك
بس احلى نكتة عجبانى
مرة واحد أحول عنده حمامة حولة حب يدخلها القفص.. حطها برة القفص.. وجت تهرب راحت داخلة جوة القفص.